|
جبا ليا..
شعر:
توفيق الحاج *
***
جباليا يام العزم.. يا مأصله لجدود
عنادك يكيد العدا..وقدها وقدود
دمك في قلبي غضب
وولادك ولادي
يا رب احمي السبع..
يزرع بدمو.. ورود
****
جباليا ..بحلمها الطري..تتحدى دبابة
وتصد شارون النذل..وتطارد ذيابه
قسام صاروخ انطلق ..
يقصف غرور زعران
ويوري كيف العدل..
صاير شرع غابة..!!
****
شهيد يودع شهيد ..وحبه في بيت النار
قناص ع تل البلد..وثاني ع سطح الدار
طخو الولد في القلب..
وطخو البنت في الراس..
والدم ع ثوب البنت ..
بيصرخ..يا أحرار..!!
****
كل ساعة يحي خبر..نسمع ونتنهد
يما طريق الوطن..بالدم يتمهد..
الأرض ما تنشري..
إلا بمهر غالي
أهل المروءة أجو..
يا ليلنا تبدد
****
بينظروا أهل الحكي.. ع الحل وفصولو
خطة طريق انمضت..واستنوا.. تتنولوا
بدهم يبيعوا الوطن..
بئيش ما قالوا
ويفضوا للمسخرة..
والمنظرة..يطولوا
****
جباليا ..آخر كلامي من روحي أهديكي
ما قدر ع غير الدعا..ولو أقدر أفديكي
لكن عظمي قسي ..
وحيلي خواني
البركة ف شبابك عدوا
على مين يعاديكي
*شاعر
وكاتب فلسطيني
|
