|
مؤتمرشرم الشيخ بالأبيض والأسود
مواطن غزاوي :
هالو شرم الشيخ؟
صوت
على الهاتف:
مين بدك خابيبي؟
مواطن غزاوي :
كوهين؟ ولك شو بتعمل عندك؟ يخرب بيتك !
صوت
على الهاتف:
خابيبي عندنا هون مؤتمر منشان كمع الإرهاب
مواطن غزاوي :
مع مين المؤتمر؟
صوت
على الهاتف:
خابيبي مع الدول العربية الشكيكة اللي متلنا بتخارب الإرهاب
مواطن غزاوي :
يا مصيبتنا رجعوا يبوسوا شارون "بطل السلام" !
صمت
مواطن غزاوي :
وحياتك يا بدالة مؤتمر شرم الشيخ بدي أتكلم مع السيد الرئيس القائد
محمود عباس
صوت
على الهاتف:
وشو بدك من السيد الرئيس القائد؟
مواطن غزاوي :
شوية كلام أنا بعرفو من إيام الطفر في قطر
صوت
على الهاتف:
طفر بعينك إقفل السماعة .. قال طفر قال ؟ لحالك الطفران. الرئيس ما
بحياته كان طفران بيكفي بيارات البرتقال والموز في صفد
مواطن غزاوي :
العفو أنا لم أقصد أي شيء سيء .. كل الفلسطينيين لاجئين طفرانين ..مش
عيب الطفر ما في عيب إلا الثراء المفاجئ .. بعني بيع الإسمنت
للمستعمرات في الضفة والقطاع
صوت
على الهاتف:
خلصني شو بتريد حاج صف حكي .. هلكتني
مواطن غزاوي :
بدي أتكلم مع السيد الرئيس القائد
صوت
على الهاتف:
الرئيس القائد مش فاضي لأمثالك بدو يحل القضية مع إريل
مواطن غزاوي :
مع مين؟
صوت
على الهاتف:
مش شغلك إنت مالك ومال الرؤساء ؟
مواطن غزاوي :
يا عمي هاي قضيتنا .. هاي مصيرنا .. بدنا نعرف وين رايحين؟
صوت
على الهاتف:
إنتو إنتخبتوا الرئيس القائد كي يحل القضية. هلق بدأ يحلها
مواطن غزاوي :
دخلك مين إريل؟
صوت
على الهاتف:
ما غيرو .. "بطل السلام الرجل الشجاع صانع التاريخ" ...
مواطن غزاوي :
نابليون مات من زمان وبعدين ما كان إسمه إريل .
صوت
على الهاتف:
(هامسا) ولك تبع صبرا وشاتيلا .. عرفته ؟
مواطن غزاوي :
الله يخرب بيتك . هلق شارون بدوا يرجعنا؟ يا مصيبتك يا فلسطين
صوت
على الهاتف:
أسكت . بيسمعوك بيخربوا بيتك وبيت البلد اللي طلعك
مواطن غزاوي :
البيت دمروه..والولد قتلوه .. والزيتون جرفوه .. وحق العودة على طريق
الجرف بهمة "عصابة جنيف" !
صوت
على الهاتف: يعني إنت ما بدك السلام ؟ بدك الدمار؟ بدك الإرهاب؟
إنت إرهابي .. مخرب
مواطن غزاوي :
أنا اللاجئ إرهابي ومخرب ؟ أما المليون مهاجر من روسيا أنصار سلام؟
صوت
على الهاتف:
شوف الحيطان لها آذان ما في مخابرات في العالم إلا هون. بس حكي. إخرس
أحسن لك
مواطن غزاوي :
" يا خوف عكا من هدير البحر"
صوت
على الهاتف:
بدهم يبدأوا بتنفيذ البند الأول من الفصل الأول من "خارطة الطريق"
مواطن غزاوي :
عال عال طمنتني الله يطمنك. بس دخلك هي "خارطة الطريق" كم فصل فيها؟
صوت
على الهاتف:
مش كثير. شايف "كتاب الأغاني" لأبي الفرج الأصفهاني ؟
مواطن غزاوي :
نعم طبعا شايفه
صوت
على الهاتف:
عليك نورمقدمة "خارطة الطريق" شويه أكبر من كتاب الأغاني
مواطن غزاوي :
له له وراح يقرأوها كلها ؟
صوت
على الهاتف:
نعم جملة جملة بالعبراني والإنجليزي والإسباني والفرنساوي والروسي
والألماني
مواطن غزاوي :
بس بس خلص بيكفي لغات طيب وبعدين ؟
صوت على الهاتف:
هلق العم أبو مازن بدأ بتدميرالأنفاق..
مواطن غزاوي :
أي أنفاق؟
صوت على الهاتف:
الأنفاق اللي بتوصل السلاح للمخربين في فلسطين
مواطن غزاوي :
بس عصابات الإرغون وشتيرن زمان حلوها .. صاروا دولة
صوت على الهاتف:
ولك هؤلاء حكام إسرائيل اليوم
مواطن غزاوي :
طيب الله يصلحوا أبو مازن هلق وقت فتح معارك مع اليهود. اللي فينا
كافينا
صوت على الهاتف:
ولك شو مالك ؟ أنت محشش؟
مواطن غزاوي :
ليش أنا معي أشتري حشيش؟ سلامة اللي بيحشش ..
صوت على الهاتف:
كبادرة "حسن نية" أبو مازن بدأ بتدمير الأنفاق اللي اليهود بيقولوا
بأنها يتوصل السلاح للفلسطينيين
مواطن غزاوي :
هلق أبو مازن لبس عسكري عند اليهود؟
صوت على الهاتف:
لآ محمد دحلان لبس عسكري وأبو مازن القائد الأعلى
مواطن غزاوي :
و"أبو الكياس" جبريل الرجوب؟
صوت على الهاتف:
على مهلك جبريل الرجوب حاضر ناضر بدوا هالساعة
مواطن غزاوي :
يعني بدهم يهجموا على اليهود؟ بيعملوا كماشة من غزة والضفة في وقت واحد
صوت على الهاتف:
عمي شو إنت ما بتقرأ جرايد؟
مواطن غزاوي :
لآ بسمع الفضائيات العربية. ستار أكاديمي وغيرها وكمان نانسي وهيفا
صوت على الهاتف:
لاجئ وبتشوف هيك مناظر؟
مواطن غزاوي :
أولا الفضائيات ببلاش. وثانيا الأمور واضحة. ما بدها لا خارطة طريق ولا
لغات العالم
صوت على الهاتف:
خلص المؤتمر بدأ. أقفل الهاتف. إنصرف
مواطن غزاوي :
حاضر عمي بس فكرك إذا هجموا بعملية كماشة بنرجع للبلاد؟
صوت على الهاتف:
بدك تترحم على الملك عبد الله وأنور السادات وأنطوان لحد
مواطن غزاوي :
يا مصيبتك يا فلسطين
باحث عن الحقيقة
quest_4_facts
|
