|
" سلام الحملان"
"Peace
of the Lambs"
مواطن غزاوي :
هالو أبو مازن معك غزة
أبو مازن:
نعم شو بتريد ؟ هلكتوني يا أهل غزة
مواطن غزاوي :
بدنا سلامتك. سمعت الأخبار؟
أبو مازن:
نعم سمعتها. ليش بعدكو عم بتهاجموا المستوطنات؟
مواطن غزاوي :
عم منساعدهم منشان يرحلوا بسرعة
أبو مازن:
مين طلب منكو المساعدة؟
مواطن غزاوي :
فكرك ليش عم بيرحلوا؟
أبو مازن:
لأنهم جماعة بدهم السلام والعيش معنا كجيران !
مواطن غزاوي :
إقرأ جريدة "معاريف" بتعرف ليش عم يرحلوا
صمت من الجانبين
مواطن غزاوي : شو
حكاية "مؤتمرهرزيليا" ونسف حق العودة؟
أبو مازن:
هذا كلام جرايد. نحن مصرون على حق العودة.
مواطن غزاوي :
يعني إذا قالوا ما في حق عودة .. شو بتعمل ؟
أبو مازن:
مننتقل للبند التالي في جدول الأعمال. بدك تعلمني شغلي؟
مواطن غزاوي :
يعني بتنتقلوا لموضوع مستعمرات الضفة ؟
أبو مازن:
أيوه المستعمرات الصغيرة
مواطن غزاوي :
قصدك الكرافانات . طيب والمستعمرات الكبيرة؟
أبو مازن: المستعمرات الكبيرة .. كبيرة .. يعني الحكاية مش
سهلة.
مواطن غزاوي:
المستعمرات بلشت صغيرة وكبرت. شو راح تعملوا فيها؟
أبو مازن: منشوف. هلكتوني
يا أهل غزة. ما بدكوالسلام ..
مواطن غزاوي:
عمي والقدس ؟
أبو مازن: قصدك
الحرم الشريف؟
مواطن غزاوي:
لأ عمي .. قصدي القدس وكل الأماكن المقدسة معها
أبو مازن: اليهود
راح يعطونا زاروب بيوصل من أبو ديس للحرم
مواطن غزاوي:
زاروب؟ هلق القدس صارت "زاروب"؟ وليش من أبو ديس؟
أبو مازن: أبو
ديس راح تكون عاصمة الدولة الفلسطينية المستقلة
مواطن غزاوي:
شو؟ شو ؟ هالو أبو مازن. والقدس؟ القدس يا أبو مازن؟ القدس؟
مواطن غزاوي:
هالو أبو مازن . هالو أبو مازن . هالو أبو مازن .
صوت على الهاتف
: أبومازن راح يحضر "مؤتمر هرزيليا". بدك تحكي مع محمد رشيد؟
مواطن غزاوي:
لأ .. بعرفش أحكي عبراني . أنا رايح أضرب هاون على المستعمرات ..
إنتهت المخابرة
باحث عن
الحقيقة
quest_4_facts
|
