|
حوار مع أنطوان لحد
فلسطيني لاجئ:
هالو جنرال لحد؟
أنطوان لحد:
نعم مين حضرتك؟
فلسطيني لاجئ:
أنا لاجئ فلسطيني ...
أنطوان لحد:
(مقاطعا) بس بس أسكت لاحقني لهون؟
فلسطيني لاجئ:
جنرال أنا مش لاحقك .. انت لحقتنا لفلسطين
أنطوان لحد:
بس بس . ما في شيء إسمه فلسطين. هايدي إسرائيل
فلسطيني لاجئ:
بلاش نتجادل. أنا بس بدي أسأل عن تجربتك مع إسرائيل.
أنطوان لحد:
وشو دخلك بيني وبين إسرائيل؟ كمان بدك تدخل هون؟ ما بكفيتا ...
فلسطيني لاجئ:
بصراحة في واحد فلسطيني بدو يعمل مثلك
أنطوان لحد:
كمان بدو يفتح كباريه في تل أبيب؟
فلسطيني لاجئ:
لآ بعد بكيرعلى فتح الكباريه. هلق بدو يلبس عسكري ويدافع عن إسرائيل
أنطوان لحد:
وأنا مالي؟ كل واحد بتعلم من كيسه
فلسطيني لاجئ:
يعني ما بتنصحه؟ الفكرة ليست حسنة؟
أنطوان لحد:
بس ما تكون انت من "شاباك" ؟
فلسطيني
لاجئ:
أنا "شاباك" يا "موساد"؟
أنطوان لحد:
بصراحة بعد ما إنت بتقوم بالمهمة المطلوبة اليهود يديرون ظهرهم لك
فلسطيني لاجئ
: صاحبنا بعده على أول الطريق. بعدنا بالقبلات. لم يحن وقت دوران الظهر
أنطوان لحد:
إذا كنت بتحب صاحبك إنصحه أن لا يدخل في هذه التجربة الخاسرة
فلسطيني لاجئ:
قلنا له ذلك ولكنه مصمم
أنطوان لحد
ما متت ما شفت مبن مات؟
فلسطيني لاجئ:
بتقديرك كم سيطول المشوار بصاحبي ؟
أنطوان لحد:
مش كثير. شارون مجنون . ومعلمه في البيت الأبيض "عصفورية"
فلسطيني لاجئ:
برأيك بيصير سلام ودولة فلسطينية؟
أنطوان لحد:
نعم بيصير دولة فلسطينية
صمت
فلسطيني لاجئ:
(بعد فترة) أنت متأكد؟
أنطوان لحد:
طبعا إنسيت بأنني جنرال؟
فلسطيني لاجئ
متأسف راح فكري غلى الكباريه
أنطوان لحد:
نعم بتقوم دولة فلسطينية وعلم ونشيد وسفراء ومتل ما بدك وزيادة
فلسطيني
لاجئ:
عال عال أشكرك على هذه الأخبار السارة
أنطوان لحد:
المهم تحلوا عنا
فلسطيني
لاجئ:
ماشي يا جنرال أنا بصراحة صرت متفائل
أنطوان لحد:
صاحبكم تعلم مني
فلسطيني لاجئ
: شو تعلم منك؟
أنطوان لحد:
تعلم بأن يضع ثقته بإسرائيل
فلسطيني لاجئ:
بس أنت أصبحت الأن صاحب كباريه
أنطوان لحد:
ليش صاحبك بدو يصير نابليون بونابرت؟
فلسطيني لاجئ:
نسيت أن أسألك هذه الدولة الموعودة أين ستقوم؟
أنطوان لحد:
وين يعني؟ شو هالسؤال؟
فلسطيني لاجئ:
سؤالي جدي وأنا لا أمزح
أنطوان لحد:
في شرقي الأردن
فلسطيني
لاجئ:
شو؟ ما سمعت أعد الجواب إذا بتريد؟
أنطوان لحد:
في شرقي الأردن
فلسطيني لاجئ:
يعني مش في فلسطين؟
أنطوان لحد:
هل هناك من عاقل يدخل "الذئب" إلى بستانه؟
فلسطيني لاجئ:
طيب وفي فلسطين شو راح يعطوه لصاحبنا؟
أنطوان لحد:
"جائزة نوبل للإستسلام" ومعها رخصة .. كباريه
فلسطيني
لاجئ:
بس هو ما بيعرف كيف يدير كباريه
أنطوان لحد:
بسيطة بيتعلم مثل ما انا تعلمت
إنتهت
المقابلة
حاشية
"العصفورية" تعبير يرمز في لبنان لمستشفى الأمراض العقلية
الجنرال أنطوان لحد قائد جيش لبنان الجنوبي سابقا وصاحب كباريه في تل
أبيب الآن
باحث عن الحقيقة
quest_4_facts
|
